સમય

સમય છે તું, આમ ઝડપથી બદલાયા ના કર,         

સાથે ચાલવું મારે, તું આગળ ભાગ્યા ના કર,

પડછાયાની જેમ પાછળ, મને દોડાવ્યાં ના કર,             

થાકયો છું હવે હું, થોડો પોહરો તો લેવા દે,

દોડાવી દોડાવી બધાને તું ઓછો ના પડ,

જાણી લે, તારી સાથે મારે પણ બદલાવું પડે,              

ભૂતકાળમાંથી વર્તમાનમાં આવવું પડે,

નવી પેઢી સાથે તાલ મેળવતા રહેવું પડે,                 

તું વીતી ગયા પછી વેડફાઈ ગયો એમ લાગે,        

તું જતો રહે પછી યાદ તારી મને સતાવે,            

કોની પાસે તું કેટલો છે એ ખબર નથી,          

પણ મૃદુલ મન પાસે છે એટલો ઘણો છે.