સમસ્યા

તું મારી સામે બેઠી છો,

હું તારી સામે બેઠો છું,

છતાં પણ એક બીજા બોલતા નથી,

આ તે કેવી આપણી સમસ્યા છે ? 

તું મારા પ્રેમ માટે તડપે છે,

હું તારા પ્રેમ માટે તરસુ છું,

છતાં પણ પ્રેમ કરી શકતા નથી,

આ તે કેવી આપણી સમસ્યા છે ?

તું દિલનો તાલ મેળવે છે,

હું તારી ધડકન સાંભળું છું,

છતાં પણ દિલમાં ગમગીની છે

આ તે કેવી આપણી સમસ્યા છે ?

તું મારી પાસે રહેવા ઈચ્છે છે,

હું તુજને દિલમાં સમાવવા આતુર છું,

છતાં પણ અંતર દૂર થતું નથી,

આ તે કેવી આપણી સમસ્યા છે ?

તું સમસ્યા હલ કરવા આતુર છે,

હું તુજને સાથ આપવા તૈયાર છું

છતાં પણ શરૂઆત થતી નથી "મુરલી",

આ તે કેવી આપણી સમસ્યા છે ?