સમજવું અઘરું છે !
સમજવું અઘરું છે !
વણ કહેવાતી વાત સમજવાનું અઘરું છે,
કહીને અણગમતા થવાનું એ અઘરું છે,
આકાશ છે આજે ઘનઘોર કાળું ડીબાંગ
પવનના પ્રવાહમાં વરસવાનું અઘરું છે,
ધરતી રડી રહી છે યાદમાં પણ કહેવું અઘરું છે,
આંધીનું રમખાણ રોકાશે કયારે તે કહેવું અઘરું છે,
મનનાં ઝંઝાવાત તો ચાલ્યાં જ કરશે,
પણ રોકાઈ જશે ક્યારે ? તે કહેવું અઘરું છે,
આ હસતાં ચેહરા દેખી ના ભરમાશો,
અંદરના આઘાત સમજવાનું અઘરું છે,
જીંદગીમાં કોઈ સમજે, કોઈ સમજાવે !
કોઈ રડે, કોઈ દુઃખ છુપાવે, કોઈ બતાવે,
એવાં શબ્દોની જંજાળમાંથી બહાર નીકળવું, અઘરું છે પણ મુશ્કેલ તો નથી જ !!