સમજો તો સારું

વાતો બધી ખયાલી છે સમજો તો સારું,

જવાની તો જવાની છે સમજો તો સારું,

દોરંગી દુનિયામાં ખોટાં જ પૂજાય છે,

પરીક્ષા સત્યની થવાની છે સમજો તો સારું,

સૌ પોતાની મસ્તીમાં મસ્ત થઈને ફરે છે,

વાત સ્વયં ઝળહળવાની છે સમજો તો સારું,

રાજા રામ તો પ્રજા સીતા ધર્મ પક્ષે દ્રૌપદી,

પ્રજાની દશા પીલાવાની છે સમજો તો સારું,

હું કરું, મારાથી થાય કે મારાં વગર થાય જ નહીં,

વાત અહંકાર લોપવાની છે સમજો તો સારું.