સમજણ
સમજણ
સમજાય નહીં તે તો સમજ્યા
સમજાવે ને ન સમજે તે ય સમજ્યા
સમજવું જ નથી એવા જીતે તે ન સમજાયું,
કોરોના રોગ છે તે તો સમજ્યા
કોરોના વિષાણુથી ફેલાય તે ય સમજ્યા
મેળાવડા કરીને ફેલાવ્યો કેમ એ ન સમજાયું,
વિષાણુ કોઈના કહ્યામાં નથી તે તો સમજ્યા
ફેલાવો રોકવા કર્ફ્યુ નાખ્યો તે ય સમજ્યા
પછી શેકવા રોટલા ઠેર ઠેર લાઈનો કરી એ ન સમજાયું,
કચેરીમાં માસ્ક પહેર્યું તે તો સમજ્યા
ટી વી પ્રસારણમાં માસ્ક પહેર્યું તે ય સમજ્યા
મેદની વગર માસ્કથી કરી એ ન સમજાયું,
ફોટા પડાવવામાં માસ્ક પહેર્યું તે તો સમજ્યા
સભા ગજવવા ન પહેર્યું માસ્ક તે ય સમજ્યા
એકલ દોકલને વગર માસ્કમાં દંડ્યા એ ન સમજાયું,
સમજાય નહીં તે તો સમજ્યા
આટલા બધાંને ન સમજાય તે ય સમજ્યા
પણ આટલો વખત ન સમજાયું એ ન સમજાયું.