સ્કવેર-ફૂટની કેદ

મોબાઈલના અલાર્મથી

અહીં જિંદગીનો દિવસ

સ્વીચ-ઓન થાય છે,

લુસ-લુસ શિરામણ,

'ને ફટાફટ ટિફિન

પેક થાય છે,

નોકરી-ધંધે

જવા, 'ને જઈને

ટકવા કાવાદાવા

દરેક થાય છે,

કૈંક આમ જ શરુ

અહીં સૌની

દોડ થાય છે,

ડગલે-પગલે

ગળાકાપ સ્પર્ધા

'ને હોડ થાય છે,

વૉટ્સઅપ-ફેસબુક પર

ગુડ-નાઈટ પોસ્ટથી

સ્વીચ-ઓફ થાય છે!

કોપી-પેસ્ટ-ફોરવર્ડ ને

કર્યું "શેર" કહે છે,

કડવા ઓસડ ને

હળાહળ ઝેર કહે છે,

સ્કવેર ફૂટમાં કેદ છે

જિંદગી અને

લોકો તેને 

"શહેર" કહે છે.