શું થશે જ્યારે મારી યાદ આવશે?

શું થશે જ્યારે મારી યાદ આવશે ?

તમ કોરી આંખો સજળ થઈ જશે,

'ને ખારા પાણીનો વરસાદ આવશે ?

તમ કોમળ મન સદૃઢ થઈ જશે,

કે એકલાપણામાં ડર સાદ આપશે?

શું થશે જ્યારે મારી યાદ આવશે ?

તમ હોઠ પર ફરીયાદ આવી જશે,

કે ફરી ફરીને તમને મારી યાદ આવશે?

શું તમરા મુખે મુસ્કાન આવી જશે,

કે મન સાદ આપીને મને બોલાવશે?

શું થશે જ્યારે મારી યાદ આવશે ?

એકાંતની સ્થિતિમાં તમને ફાવી જશે,

કે એકલાપણાની પરિસ્થિતિ સતાવશે?

શું મુખમાં મનની વાત આવી જશે,

કે પછી તમને તમારું જ મૌન સતાવશે?

શું થશે જ્યારે મારી યાદ આવશે ?

તમામ કામમાં તમારું મન લાગશે,

કે ફરી યાદ આવીને તમને સતાવશે?

ભરી મહેફિલમાં સુનું સુનું લાગશે,

કે કોઈક વર્ણનમાં મારી યાદ આવશે?