શું થાય માણસ છીએ ને

શું થાય માણસ છીએ ને !

ક્યારેક મૂઝાવું પણ પડે,

સાચા હોય છતાં સંતાવૂ પડે,

શું થાય માણસ છીએ ને !

ક્યારેક વગર કારણે હરખાવું પડે,

હેત ન હોય તોય જાવું પડે,

શું થાય માણસ છીએ ને !

લાગે છે ટાઢ તોય નહાવું પડે,

બાલ્ટી પાણી એ ચલાવવું પડે,

શું થાય માણસ છીએ ને !

વગર ભૂખે ખાવું પડે,

રસોઈઘરમાં રોકાવું પડે,

શું થાય માણસ છીએ ને !

મોંઘવારીના મારે સંકોચાવું પડે,

શોખ હોય ફરારી ના તો પણ ફ્રન્ટીમાં ચલાવવું પડે,

શું થાય માણસ છીએ ને !

ખોટી પંચાતે જોતરાવું પડે,

બોશની લીલાને છૂપાવવું પડે,

શું થાય માણસ છીએ ને !

મહેનત કરીને ખાવું પડે

ભ્રષ્ટાચારી ને ભોગ લગાવું પડે,

શું થાય માણસ છીએ ને !

એકલા હાથે લડવું પડે,

અન્યાય સામે નડવું પડે

શું થાય માણસ છીએ ને !

માનવ તારે નાચવું પડે,

જિંદગીનું ભાથુ ભરવું પડે

શું થાય માણસ છીએ ને !

ઈશ્વર તારે સાચ બતાવવું પડે

ચંચળ મન ને વારવું પડે

માણસ પર ડામ લગાવવું પડે

પ્રકૃતિને બચાવવું પડે

માનવને સમજાવવું પડે

અભિમાન એનું ઉતારવું પડે

શું થાય ઈશ્વર છો ને !