શું પ્રેમ હતો એ પણ

શું પ્રેમ હતો એ પણ,

અહીં કૃષ્ણની વાંસળીથી નીકળતો સૂર હતો,

અને ત્યાં રાધાને એની વેદનાનો અનુભવ થતો હતો.

શું પ્રેમ હતો એ પણ,

અહીં દ્વારકામાં રહેતાં કૃષ્ણ ઉદાસ થતાં હતા,

અને ત્યાં પેલી રાધા ને ગોકુળમાં એનો અનુભવ થતો હતો.

શું પ્રેમ હતો એ પણ,

અહીં કુરુક્ષેત્રમાં કૃષ્ણ એ શંખ ફૂંક્યો હતો,

અને ત્યાં રાધાને એની પીડાનો અનુભવ થતો હતો.

શું પ્રેમ હતો એ પણ,

અહીં આંખ કૃષ્ણ ની ભીંજાતી હતી ,

અને ત્યાં પેલી રાધા ને એની આંખો મા ભીનાશ નો અનુભવ થતો હતો.

શું પ્રેમ હતો એ પણ,

અહીં યાદવસ્થળ પર કૃષ્ણ અંતિમ પ્રયાણ કરી રહ્યા હતા,

અને ત્યાં રાધાને એની એકલતાનો અનુભવ થતો હતો.

શું પ્રેમ હતો એ પણ,

અહીં અંતિમ પ્રયાણ માટે પણ સ્વયં ઈશ્વરને બાંધીને રાખ્યા હતા.

અને એ રાધા હતી કે જેને મળ્યા બાદ જ ખુદ કૃષ્ણ એ અંતિમ પ્રયાણ કર્યું હતું.