શું કહું?

મારી આંખમાં તારો પડછાયો ઉગ્યો’તો.

તારી હથેળીમાં મારું નામ કોતરવાનો પ્રયાસ કર્યો’તો.

તારી તરફ હાથ પણ મેં લંબાવ્યો’તો.

ઉગતા સૂરજની સાક્ષીએ પ્રેમ કર્યો’તો.

તાજગીસભર કિરણોની હૂંફમાં હાથ મેળવ્યો’તો.

એ ધોમધખતી બપોરે તને કોલ દીધો’તો.

પેલા તીખા તડકાએ બેયનો પ્રેમાલાપ સાંભળ્યો’તો.

પણ....

 સાંજ ઢળતાં સૂરજ પણ ઓસર્યો’તો,

અને તું પણ ક્ષિતિજની પેલે પાર આથમ્યો’તો,

પણ એ કાંઈ નવાઈનો બનાવ તો નહોતો.

તું પડછાયો હતો એટલે જ તો અદ્રશ્ય થયો’તો.

શું કહું?