આટલી ઈચ્છા

લખોટી, ક્રિકેટ, સતોલિયું, કાકા-મામા ગલીની રમત,

ખોવાઈ ગઈ ક્યાંય આ બધી બાળપણની મિલકત,

દોડતું હસતું ફરતું રમતું હતું આજ સુધી બાળજગત,

હવે તો ઘરમાં કેદ થયું એનું શાળાજગત,

કંટાળેલું, વિખરાયેલું, હારવા માંડેલું એનું મગજ,

ઓનલાઈન ભણવામાં હજી સુધી અસમંજસમાં એ સખત,

પપ્પા મમ્મી દાદા દાદીની વચ્ચે ઝોલાં ખાતું તરત,

ચાર ચોપડી અને ચાર દિવાલ વચ્ચે એની મૂંઝવણ અથડાઈને થતી પરત,

આમ ને આમ એનું બાળપણ થઈ જશે કે શું અસ્ત !

ના ના સકારાત્મકતા કેળવવાનો ઈરાદો રાખીએ મસ્ત,

એમ શેનું કોઈ નાનકડું જંતુ બચપનને કરી જાય અસ્તવ્યસ્ત !

ફરી,

લખોટી, ક્રિકેટ, સતોલિયું, કાકા-મામા ગલીની રમત,

ચોક્કસ રમતું થશે આજ નહીં તો કાલ આ બાળજગત !