શોધીશ હું
શોધીશ હું
નથી કોઈ સરનામું કે નથી
કોઈ ભાળ તારી મળી જ અહીં,
ભીડભાડ ભરેલી આ દુનિયામાં
છતાં તને શોધી લઈશ હું.
ફૂલોની જેમ કોઈક તો બાગમાં
તારી ફોરમ ફેલાતી જ હશે,
સંગ ફોરમના સથવારે એ
બાગ મહી દોડી આવીશ હું.
ઘોંઘાટ ભર્યા આ જગમાં ક્યાંક
તારો પણ સ્વર રેલાતો હશે,
બનીને સુરીલું વાજીંત્ર તારા
સંગીતમાં લય થકી ભળી જઈશ હું.
જાણું છું હૃદય છે તારું
મૃગજળથી છલોછલ દરિયો,
મોતી એક લાગણી તણું
બનીને મરજીવો શોધીશ હું.