શાહીનાં છાંટણા
શાહીનાં છાંટણા
કોરા કાગળમાં થયાં,
શાહીનાં છાંટણા,
આત્મ સમર્પણ કરી ગયા,
શબ્દોએ પ્રેમના.
લખી એ વાતો, આત્મા તડપ્યો,
શાહીના હર એક અંશથી જાણે,
બોલ્યો કાગળનો આત્મા,
વાચા ફૂટી નીકળી એ કાગળને.
વાચામાં ભરી વેદના આપર,
કયા મોઢે બોલે એ શબ્દો વિરહના,
જ્યાં સળગતા આત્માએ લખી આત્માકથા,
લખી એ શાહીના સૂરે વિરહગાથા.
ખરેખર એ કાગળ અંદરો અંદર બળ્યો,
કોરા કાગળને શબ્દોથી જીવ મળ્યો,
સાચવી એ યાદોની ગાથા,
કાગળ પણ હર પલ સળગ્યો.
વાચક એ વેદનાનો ક્યાં હજુ કોઈ મળ્યો,
આત્માથી થયો હતો જે પ્રેમ,
એ આત્માને હજુ ક્યાં કોઈ સહારો મળ્યો,
જન્મોથી ભટકે છે એ આત્મા,
પ્રેમની તલાશમાં.
પણ જીવતા લખેલો કાગળ હજુ કોઈએ ક્યાં સમજ્યો,
વિરહના વારથી બચવા, જીવ ગુમાવ્યો,
પણ જીવ ગુમાવીને પણ એ આત્મા કયા શાંત થયો,
હમેશા તડપતો રહ્યો.
છેલ્લા શ્વાસ સુધી લખેલી આત્મગાથાને,
ક્યાં કોઈ ચાહક સમજ્યો,
પ્રેમની ભૂલોમાં એ, આત્મા અને
એ કાગળ અકબંધ તડપ્યો.