સાત રંગોનાં સ્વપ્નો
સાત રંગોનાં સ્વપ્નો
મિલન આપણું આનંદ વર્ષા
હૈયે હરખનાં ઝરણાં
સાત રંગોનાં ઓઢી સ્વપ્નો
ઝૂલાવશું જીવન ઝૂલણાં.
શિશિર વાયરે હૂંફ અપેક્ષા
મીઠડી વાતોના ટહુકા
મુગ્ધતા મેળે મન ચગડોળે
અંતરિયાળા લટુકા
મખમલિયા કૂંપળની કુમાશું
ઝૂલાવે વસંત હિંડોળા
કેસુડા છે કામણગારા કેડી
જોબનિયું કેસરિયાળું ધીરા,
નજરુંમાં રમે રૂપલ ચાંદલિયો
ઝરુખે રાસે રમતી યાદો
દૂર દૂર તારલિયા ગુંથે ભાતું
માણું વ્હાલી રે સોગાદો.