સાંજે સવાલ થતો બનાવું શું

સૂરજ આથમે ને સવાલ થતો બનાવું શું ભોજન ?

સંધ્યા કાળે ઘરના પૂછે બનાવું શું ભોજન ?

સવારે તમે પેટભર જમ્યા રોટલી દાળ ભાત ભોજન 

હવે ના કરાવો તમે આદણી વેલણની ખટખટ,

સૂરજ આથમે ને સવાલ થતો બનાવું શું ભોજન ?

હજુ તમે કેમ બોલતા નથી, બનાવું શું ભોજન ?

જુઓ તમે સૂરજ આથમ્યો, દીવાબત્તી તો થઈ ગઈ

રોજ રોજ પૂછવાનું મારે, બનાવું શું ભોજન ?

બોલો તમે, ઝટપટ બનાવું હું સીધું સાદું ભોજન,

જલ્દી બને બે જ વસ્તુ, પુલાવ બનાવું કે ખીચડી ?

હવે કરી લ્યો તમે એક પસંદ, નથી કોઈ ઓપ્શન !...

સૂરજ આથમે ને સવાલ થતો બનાવું શું ભોજન ?

દરેક ઘરમાં સાંજના જમવામાં શું બનાવવું...એ તકલીફ...

પછી તો ખીચડી કે ઝોમેટો દર્શન !