Library
આ શું માંડ્યું છે..!?
આ શું માંડ્યું છે..!?
અલી ઓયે આ શું માંડ્યું છે..!?
સુડોળ દેહે ઓય હોય શું લાગતી,
નોકરો રાખી ૨૪ કેરેટ ગોલ્ડમાંથી,
દેહને તો જો પિત્તળ કરી નાખ્યું છે.
અલી ઓયે આ શું માંડ્યું છે..!?
તું એમને એમ લાગે અપ્સરા જેવી,
તોય આ શું રોજ રોજ નવા ડ્રેસ.!
વધતી ઉમરમાં શું વળગણ લાગ્યું છે.
અલી ઓયે આ શું માંડ્યું છે..!?
તારા સૌંદર્યથી ઝગમગતું વિશ્વ,
તોય બ્યુટી પાર્લરના ચક્કર ચાલું,
આવું તો શું ગાંડપણ લાગ્યું છે.
અલી ઓયે આ શું માંડ્યું છે..!?
તારા હાથોમાં મળતો અનેરો સ્વાદ,
ને આ તું સ્વીગીના મોહમાં પડી,
એનું આવું ઘેલું તને કેમ લાગ્યું છે.
ઓયે...આમ સિરિયસ ના થા....
અલી ઓયે આ શું માંડ્યું છે..!?
આ તો હતી થોડી મજાક મસ્તી,
તું જાણે છે ને મારી આવી જ હસ્તી,
દૂર રાખ વેલણ એણે લોહી ચાખ્યું છે.
અલી ઓયે આ શું માંડ્યું છે..!?
સાચેજ માની મેં તને સિંહણ,
જોને મારું બકરી જેવું મોં રાખ્યું,
કોઈને નહીં કહું આ ક્યાં વાગ્યું છે.
અલી ઓયે આ શું માંડ્યું છે..!?
બે હાથ ને ત્રીજું આ માથું,
સ્વીકારું છું બધી ભૂલ મારી જ છે,
દયા ભાવ જેવું તેં કઈ રાખ્યું છે.!?
