નજર લાગી !

મને મારી જ નજર લાગી ! વાત જયારે બની કૈક ન્યારી !

લેવા ગયો'તો બજારમાં હું, મોસમની સસ્તી કેરી,

એના એ ભાવમાં, મળી દુકાનેથી હાફુસ ભારી !

                     ..ત્યારે મને મારી જ નજર લાગી !

વળી નજર હતી મારી મોટરસાઇકલ ઉપર,

ત્યાં પપ્પાએ અપાવી મને નેનો જેવી ગાડી !

                      ..ત્યારે મને મારી જ નજર લાગી !

બુકીંગ કર્યું હતું પાલિતાણાનું અમે સૌએ,

એજન્ટે સસ્તામાં કાશ્મીરની સફર અપાવી !

                     ..ત્યારે મને મારી જ નજર લાગી !

આનંદ જ આનંદ ભયો જ્યારે,

જોવા ગયા ભાઈ માટે ભાભી,ને ભેગાભેગી,

સાસરિયાંએ મારા વિવાહની વાત ચલાવી !

સાચ્ચે ત્યારે તો, ખુદ મને જ મારી નજર લાગી !