గ్రంథాలయం
ప్రొఫైల్
રૂહ
રૂહ
1 min
120
જન્મથી મરણ સુધી જીસ્મ આપણું સતત બદલતું રહ્યું,
એક રૂહ બની કોઈ ભીતરથી રોજ આ સઘળું જોતું રહ્યું !
ક્રિયાઓ ને પ્રતિક્રિયાઓ કરતી રહી પ્રભાવિત સદા મનને,
સૌથી અસંગ રહી રૂહ જેવું ભીતર કોઈ સળવળતું રહ્યું !
શ્વાસો ઉપર સદા રહ્યો પહેરો સમયની ક્ષણોનો મોત બની,
બે શ્વાસો વચ્ચે શૂન્યમાં રૂહ જેવું કોઈ શાશ્વત મચલતું રહ્યું !
મનની પ્રકૃતિ રસ્તા બદલીને શોધી રહી છે મંઝિલ જન્મોથી,
ને ખુદ મંઝિલ બની રૂહ જેવું ભીતર કોઈ શાંત બેઠું રહ્યું !
એક "પરમ" વહેમને હું પંપાળી રહ્યો યુગોથી આ ખોળિયામાં,
રૂહ ઓળખાયા પછી "પાગલ" પન મારૂં રોજ વધતું રહ્યું !
