રંગારો
રંગારો
નિત નવા રંગો જીવનમાં ભળ્યા છે જયારથી,
મારો જન્મ સફળ થયો છે સમજો ત્યારથી,
માતાએ આશીર્વાદના રંગ ભરી જીવન મહેકાવ્યું,
પિતાએ સારથી બની આ ગાડી સંભાળી ત્યારથી,
શિક્ષકે તો કઠિન માર્ગમાં દોડતા શીખવ્યું જ્યારથી,
અનુભવે પોતાના રંગ ભરી લડતાં શીખવ્યું ત્યારથી,
આ જીવનમાં મારા ગુરુજીનું સ્થાન જ અનેરું છે,
કારણકે મારા ભીતરની શાંતિ મને મળી છે ત્યાંથી,
પ્રેમ,સમર્પણ ને સહકારની તેને ઉપમા આપી દઉં,
એવી જીવનસંગીનીનો સાથ મને મળ્યો છે જ્યારથી,
બાળક, પુત્ર, પિતા તરીકે બધા જ રંગો મેં જોયા છે,
વિચાર માત્ર એટલો જ, કે રંગ ભરનારો આવ્યો ક્યાંથી,
પૂછું એક અંગત સવાલ આ જગતના તારણહારને,
આ જીવનો 'રંગારો' કે'વાનો હક તને મળ્યો છે ક્યાંથી ?