રાત આથમી જશે

આથમી ગયો દિવસ;આ રાત આથમી જશે,

થઈ જશે બધું સરસ;આ રાત આથમી જશે.

સૂર્ય પૂર્વમાં ફરી ઊગી જશે નક્કી જ છે,

આથમી જશે તમસ;આ રાત આથમી જશે.

એકધારો સૂર્યને નિહાળવો અશક્ય છે,

તું ચાંદનીનો માર ક્સ;આ રાત આથમી જશે.

દર્દ કે ખુશી મળે એ ખેલ છે નસીબનો,

એ નથી કોઈને વશ;આ રાત આથમી જશે.

પામવા પ્રકાશને આશનો દીવો કરો,

જો વધી જશે તરસ;આ રાત આથમી જશે.

હોય ગમ કે હો ખુશી મજા જ બસ મજા પછી,

જો મળે એ સોમરસ;આ રાત આથમી જશે.

રાત તો વીતી ચુકી બંધ "જય"ના છે નયન,

પાંપણોને કહે કે ખસ;આ રાત આથમી જશે.