રાધા
રાધા
હુસ્ન ઈશ્કનો છે એક ખામોશ સંવાદ રાધા,
બે દિલોમાં ધડકતો એક અહેસાસ રાધા !
મારી શ્વાસોથી તારી શ્વાસો વચ્ચેનો અવિરત,
અસ્તિત્વગત ચાલતો એક મહારાસ રાધા !
સ્પંદનોના ઝરણાંનું છે સૂરીલુ સંગીત રાધા,
જે અધૂરૂ હતું તે થયું હવે પૂર્ણ ગીત રાધા !
ઓગળેલી અધૂરી ઈચ્છાઓ છલકયાં પછી,
અધરો થકી મલકતું મહોબ્બતનું સ્મિત રાધા !
મારી 'પરમ' ઝંખનાઓમાં ઝંકૃત ખામોશી અને,
વિહવળ આંખોમાં ચમકતી 'પાગલ' પ્રીત રાધા !