પૂનમની રાત

આવી રઢિયાળી પૂનમની રાત સખી,

કહી દે ને મનડાની એ વાત સખી.

જોને ઝુમે ચંદ્ર સંગ ગગન સખી,

જાણે ઝૂમે રાધા સંગ કાન સખી.

આવી રઢિયાળી પૂનમની રાત સખી,

કહી દે ને મનડાની એ વાત સખી.

જોને કર્યો શશીએ કેવો સણગાર સખી,

જાણે પહેર્યો નવલખ સિતારો હાર સખી.

આવી રઢિયાળી પૂનમની રાત સખી,

કહી દે ને મનડાની એ વાત સખી.

જોને ડોલિયા મહેરામણ ને સાગર સખી,

જાણે રમે કૃષ્ણ સંગ ગોપીશ્વર સખી.

આવી રઢિયાળી પૂનમની રાત સખી,

કહી દે ને મનડાની એ વાત સખી.

આવે નહીં આવી શીતલ રાત સખી,

મારા મનડાની તુ જ મિત સખી.

આવી રઢિયાળી પૂનમની રાત સખી,

કહી દે ને મનડાની એ વાત સખી.