પસ્તાવો ક્યાં છે???
પસ્તાવો ક્યાં છે???
વૃદ્ધાશ્રમની ઓરડીમાં બાપ છેક સુધી પડી રહ્યો,
ઘરની દીવાલ પર બાપનો એકલો ફોટો રહી ગયો,
તોયે તને પસ્તાવો ક્યાં છે ?
મર્યા પછી બાપનાં નામનું પરબ બંધાવતો,
જીવતે જીવ પાણીનો એક લોટો માટે તરસી ગયો,
તોયે તને પસ્તાવો ક્યાં છે ?
સજાવી ધજાવીને મસ્ત મોટા મહેલોમાં રહેતો,
આવનારને આદરથી આવકારવામાં ભડકી ગયો,
તોયે તને પસ્તાવો ક્યાં છે ?
માનવી ભણી ગણીને સરવૈયું માંડતો,
નફામાં ધન-દોલતને સંબંધોમાં તોટો પડી ગયો,
તોયે તને પસ્તાવો ક્યાં છે ?
પૈસો જ બધું છે તેવી ડંફાસ હાંકતો,
શ્વાસ ન મળતાં અહમનો પરપોટો ફૂટી ગયો,
તોયે "નાના"ને પસ્તાવો ક્યાં છે ?