પર્યાવરણ અને ચંદ્ર

સંચરતો ચાંદ પ્રાણ નિશામાં 

ઉજાળતો આકાશ ચારે દિશામાં,

શીત મધુર ચાંદની રેલાવતો,

નિ:સ્વાર્થ નિર્લેપ તેજ ફેલાવતો,

ઘનચક્કર અવનવો માનવી 

વાતો કરે રોજ વળી અવનવી,

તેજ ભલે રહ્યું ચંદ્રની આ બાજુ 

તિમિર એની સામે બાજુ ઘણું ઝાઝું,

નથી ત્યાં કાંઈ ફાંકવા તે જાણતો 

મારે આંટા અગ્ન્યસ્ત્ર સવારી માણતો,

ને પછી વાતોના વડા એ ફાંકતો,

ઊડાડી ધૂમ્રસેર ઉજળી બાજુ ઢાંકતો,

જે નથી તે ત્યાં જઈ માંગતો 

શીત મધુર ચાંદની રંગ ભાંગતો,

સંઘરતો પ્રાણ ચાંદ નિશામાં 

ઉજાડતો આકાશ ચારે દિશામાં.