વાંદરીનું બચ્ચું
વાંદરીનું બચ્ચું
વાંદરીનું બચ્ચું ઝાડ પર ચઢવા કેટલીવાર પછડાય
પડે ને ચઢે તોય એ ચઢવાનું મૂકી ભાગી ના જાય
વાંદરી કહેતી બેટા ભલે પડાય કે વાગે હજાર વાર
આમ ગભરાઈને તારો જરાય બદલીશ નહીં વિચાર
ઝાડ આપણું ઘરને ઝાડ છે આપણો સાચો સહારો
મહેનતથી તારો યત્ન ચાલું રાખજે બેટા એકધારો
મહેનત કરનારની સાથે ભગવાન પણ હોય છે હારો
તું ભલે પડતું નીચે, ડર્યા વગર પકડજે હાથ મારો
બચ્ચું તો આમતેમ કૂદકા મારીને બેસી ગયું માની કેડે
બચ્ચાંની ઝાડ ઉપર ચઢવાની મહેનત ના ગઈ એળે
વાંદરી કહેતી આ રીતે માણસ કરે મહેનત વારંવાર
લાભ પામશે ને જીવનમાં નહીં રહે ક્યારેય બેકાર ?