મંકોડાભાઈ

મંકોડાભાઈ હાલ્યા અમદાવાદ 

લઈને ઔડી ગાડી 

ચશ્માં પહેર્યા, શૂટ, બૂટ પહેર્યા

હાથમાં પહેરી લકી જાડી

મંકોડાભાઈ હાલ્યા અમદાવાદ 

લઈને ઔડી ગાડી,

સી.જી રોડ પર પીઝા ખાધા

લીધી શૂટને શેરવાની

લાલ દરવાજે બર્ગર ખાધાં 

પીધું ઠંડુ ઠંડુ પાણી

મંકોડીબેનને યાદ કરતાં કરતાં 

લીધી મોંઘી ચાર સાડી

મંકોડાભાઈ હાલ્યા અમદાવાદ 

લઈને ઔડી ગાડી

કાંકરિયા તળાવમાં ખૂબ ફર્યા

પેક કરાવ્યાં ભજિયા

ભજિયા ના લેતા જઈએ તો

મંકોડીબેન કરે કજિયા

અમદાવાદમાં ખૂબ મજા કરી

પહોંચ્યા રે અમરાઈવાડી

મંકોડાભાઈ હાલ્યા અમદાવાદ 

લઈને ઔડી ગાડી.