પ્રતીક્ષા
પ્રતીક્ષા
પ્રતીક્ષા કરે મન કોની
એ તો સમજી ન શકી,
દોડી મેળવવા ધન
પણ
તેમાં ગુમાવી જિંદગી,
શોધે મન તો માન,
પણ
એ તો ક્યાં સાચું મળે,
ફંફોસે ઘરનાં ખૂણે ખૂણે,
સંબંધોની ભીડમાં સાચો પ્રેમ
પણ
એ તો વેચાય પૈસાની ભૂખે,
ઘસી નાંખી જિંદગી જેને માટે,
એ જ હવે સવાલો કરે,
એકલતાનાં પડછાયા વીતેલો સમય ફંફોસે,
અને
વર્તમાન તોલાય ફરી એ જ દરવાજે,
કોઈ પોતાનું મળે તો,
એને ભેટીને દર્દ ઠાલવે
પણ
આ દુનિયામાં પોતાનાં તો મહોરાં પહેરી તમાશો જુએ !
આ હૃદયમાં ભરાયેલો દાવાનળ,
ક્યારેક મને જ ભરખી લેશે,
ક્યાં ખાલી કરું એને,
જે સાચવીને એને ઠારે
જેથી ન હું બળું
ન એ દાઝે,
અને હું થઈ જાઉં બિલ્કુલ શૂન્ય !
અથવા
જીવતી લાશ !
એક સંબંધ, ફક્ત મને સમજે
તો જ હવે જીવન ખીલે
બનાવટી ચહેરાનો ભાર,
કોણ હવે ઉપાડે !
હવે તો મન વલોપાત કરે,
બસ,
'તું તને જ સાચવ ' એમ કહે.