પ્રતિબિંબ

સ્વચ્છ સ્વચ્છ પાણીમાં

જોઈને પ્રતિબિંબ હું મારું

મનડું મારું ભૂતકાળમાં ખોવાયું

ભૂતકાળની યાદોમાં મૂંઝાયું,

શું એ બાળપણની મજા હતી

ગલીઓમાં રમતોની રમઝટ હતી

શાળામાં પ્રવૃતિની ખોજ હતી

ભાઈ સાથે મીઠી તકરાર હતી

મમ્મી સાથે વ્હાલની મીઠાશ હતી

પપ્પા પાસે જિદ પૂરી થતી,

ક્યાં ગઈ એ બાળપણની મજા

નથી હવે એ શેરીની રમતો

આજે ક્યાં છે એ પ્રવૃત્તિ

ક્યાં ગઈ ભાઈની તકરાર

નથી માતાનો વ્હાલભર્યા હાથ

પિતાજી સાથેની જિદ નથી,

કહે છે પ્રતિબિંબ મને મારું

ક્યાં પહોંચી ગઈ તું મોટપમાં

તારું એ પ્રતિબિંબ આજ વિખરાયું.