પ્રશંસા તમારી

સાગરથી પણ વધુ ગહન છે આંખો તમારી,

એટલે જ તો 'અજીજ'ની પ્રશંસા પામે છે આંખો તમારી.

નસીબવંતી બિંદી કેવી સોહાય છે ભાલ પર,

એટલે જ તો થઈ જાય છે આપોઆપ પ્રશંસા તમારી.

ગુલાબ કરતાંય વ્હાલી લાગે છે લાલાશ તમારી,

એટલે જ તો મોહી લે છે ગાલની આ લાલી તમારી.

સાક્ષાત વસે છે શારદા માત રસના પર તમારી,

એટલે જ તો ગમે છે આ કોયલ સમી વાણી તમારી.

મસ્તી ભર્યા વાયરાની સંગે લહેરાય છે કેશ તમારા,

એટલે જ તો વાહવાહી લૂંટી જાય છે લહેરાતી લટ તમારી..

નાજુક વેલ સમી લચકાય છે આ નમણી કાયા તમારી,

એટલે જ તો 'અજીજ' ના મુખે થાય છે હર પળ પ્રશંસા તમારી..!!