પરમ સાથે પ્રીત

શ્યામ

તારી હું પૂજા કરું, સેવા કરું

ના, મારું કામ નહી,

હા પણ, જો તારું નામ ન લઉં

તો, મારું નામ નહી,

તને શણગારું, ને તને જમાડું

ના, મારું કામ નહી,

હા પણ, જો તને વહાલ ન કરું

તો , મારું નામ નહી,

હઠીલો બહું, તારી હઠ છોડાવું

ના, મારું કામ નહી,

તારી હઠમાં પાગલ ન થઈ જાઉં

તો, મારું નામ નહી,

તારા ચરણે અર્પી દઉ હું બધું

ના, મારું કામ નહી,

તું જો નચાવે મને, અને ન નાચું

તો, મારું નામ નહી,

તું બોલાવે ને હું દોડી આવું

ના, મારું કામ નહી,

હું બોલાવું, તું દોડતો ન આવે

તો, તારું નામ નહી!