પ્રકાશિત પરગણે
પ્રકાશિત પરગણે
મખમલી અંધારામાં તારી આંખના આ રેશમી અજવાળા,
ને સપનામાં અરમાનો અરમાનોને પહેરાવે વરમાળા !
આજ એક પ્રકાશિત પરગણે જાત ચમકી પ્રિતની,
ને અંતરના આંગણાંમાં રંગ રંગોળી થઈને ઉભરાણાં !
નજરૂથી નજરૂના તીર કરે ઘાયલ એકબીજાને,
શિકારી ખુદ શિકાર થઈ મનમાં જોને હરખાણાં !
દ્વાર પાંપણનાં ખખડાવી મધરાતે જગાડે ઊર્મિઓ એ,
અમે ખુદ લૂંટાયા ને ખજાના રૂદિયાની ઝોળીના છલકાણાં !
આંખોને જામ સમજવાની કરી બેઠા એક ભૂલ અમે,
વગર પીધે હોશ ગુમાવ્યા ને એવા તો મૈખાના શરમાણાં !
એક "પરમ" અંધકારમાં સ્પર્શની ગોધુલીની ડમરીઓમાં,
કરે "પાગલ" અધરોની પંખૂડી એવા તો અમે અટવાણાં !