પ્રિયતમને પોકાર

જ્યારથી તું મુજથી દૂર ગયો છે, 

જીવન મારૂં હવે સૂનકાર બન્યું છે,

ક્યારે તું પરત આવીશ ઓ પ્રિયતમ,

આ જીભ તારૂં રટણ કરી રહી છે.

જીવનમાં અંધકાર વ્યાપી ગયો છે,

રાત પણ પૂનમની અમાસ બની છે,

ક્યારે ઉજાશ આવશે ઓ પ્રિયતમ,

આ જીભ તારૂં રટણ કરી રહી છે.

વાટલડી જોઈ મન બેચૈન થયું છે,

વિરહથી દિલ મારૂં તડપી રહ્યું છે,

ક્યારે તડપ શાંત થાશે ઓ પ્રિયતમ,

આ જીભ તારૂં રટણ કરી રહી છે.

આંખલડી રાહ જોઈ થાકી ગઈ છે,

ઉજાગરા કરીને લાલઘૂમ બની છે,

ક્યારે મિલન થાશે તારૂં ઓ પ્રિયતમ,

આ જીભ તારૂં રટણ કરી રહી છે.

તારા વિના જીવન અધૂરૂં બન્યું છે,

પ્રેમનુ ઉધ્યાન મારૂં સૂકાઈ ગયું છે,

"મુરલી"ને દિલમાં સમાવીલે ઓ પ્રિયતમ,

આ જીભ તારૂં રટણ કરી રહી છે.