‘પ્રિયે’ ની મુલાકાત!

અનાયાસે ગોઠવાઈ ગઈ, 

એક સંધ્યા ક્ષિતિજે આપણી મુલાકાત ! 

મુગ્ધ થઈ ગયું રતાશ રંગે ધડકતું મિલન,

હતી શું એમાં એવી રંગીન વાત !

આસપાસ મહેકતું નૈસર્ગિક સૌંદર્ય, 

એ પર્વત પર મારો સિરતાજ કેવો !

‘પ્રિયે’ની ઝુલ્ફોને સ્પર્શ પવનનો ને,

મરક મરક મલકે હોઠ વ્હાલમ તો એવો !

તારા હાથમાં મારો હાથ હોય,

એ જન્નતની એવી ક્ષણ હતી એ તો !

નયનમાં સપના હોય મારા ને,

એમાં કેસરી પ્રેમજ્યોત ઝળહળે હવે તો !

જ્યાં બે દિલની ધડકન પ્રેમળ સંવાદથી,

ધડકી ઊઠી એકમેક માટે !

દિલ પર કોતરાયા નામ ‘રાધા’ ને “શ્યામ”ના

પ્રણયની રીત થઈ એ વાટે !

બંધાઈ ગઈ ડોર એ સોહામણી પ્રીતની,

દુન્યવી રીવાજોથીયે ન તુટે એ રુહ તો રહે હરદમ મસ્તાન !

‘સ્વપ્નીલ ‘ ને ખુદ ખુદા જ આવી મળ્યા,

આ રમ્ય સૃષ્ટિમાં અમર થઈ એ દાસ્તાન!