પ્રિયા!
પ્રિયા!
1 min
261
બોખા મોઢાથી હાસ્ય કરતી,
લાગે છે રૂપાળી તું પ્રિયા !
ભલે વાળ થયાં ધોળા તોય,
બાંધતી અંબોડો મસ્ત તું પ્રિયા !
મારાં ડગમગતાં પગનો ટેકો બની,
હળવા હાથે દાબતી તું પ્રિયા !
મીઠાં હળવાં છણકા કરતીને,
હજુએ રીસાતી મૂંઝાતી તું પ્રિયા !
તીખું તળેલું ગળ્યું ઝાઝુ મને ભાવે,
પણ રોગ એવા કે સાચવતી તું પ્રિયા !
જિંદગીભર કામકાજમાં દોડતાં આપણે,
આજ અવકાશે ભાળી છે તને પ્રિયા !
આપણે થયા શરીરથી વૃદ્ધ,
મનની લાગણીથી બંધાયેલાં ઓ પ્રિયા !
જીવનભર તારા સંગાથે જીવ્યો હું,
આવતાં ભવે પણ મારી થાજે તું પ્રિયા !
પ્રેમ, વચન, આત્મીયતા અને સ્નેહ થકી,
મને સદા ભીંજવતી લાગણીથી તું પ્રિયા !