પરબીડિયામાં લાગણી

મૂકી પરબીડિયામાં લાગણી છલોછલ,

કદાચ તેથી સરનામે પત્ર અટવાયો હશે,

આપણો પ્રેમ ! ભવોભવનાં બંધનનો,

બની શકે ! આ જ છેલ્લો ભવ હશે,

શમણાંઓ કેટલાં જોયા, શણગાર્યા !

કદાચ, બની શકે એ પણ કાચના હશે !

પ્રીત પારેવડું પંપાળી, વ્હાલથી રાખ્યું,

બની શકે હૈયું એને પિંજર લાગ્યું હશે !

 પ્રેમના હદની કોઈ હદ ક્યાં રાખી અમે,

 છતાં સરહદ તોડી જવાનું મન થયું હશે !

જા ઊડ ! આપી મુક્તિ, અનંત આકાશે,

કદાચ ક્ષિતિજે ! તને મળવાનું લખ્યું હશે !

નિરાશાઓની વચ્ચે આશા ઉગાડી મેં,

અણસાર એ જ છે સાર કંઈ જુદો હશે !