પ્રેમનો ઘંટનાદ

નથી પીધો મે જામ છતાં પણ,

મુજને નશો ખૂબ ચડી ગયો,

તમારી સામે નજર મારી મળતાં, 

મદહોશ બનીને હું ડૂબી ગયો.

અદ્ભૂત સુંદરતા છે વાલમ તમારી,

જોઈને મનડાનો મોર નાચી ગયો,

રૂબરૂ મુલાકાત થતાંની સાથે મારા,

દિલમાં પ્રેમનો ઘંટ નાદ વાગી ગયો.

આંખ કજરાળી, અધર ગુલાબી,

ભ્રમર બનીને હું ગણ ગણી ગયો,

તમારૂં નિખરતું યૌવન નિહાળીને,

ભાન અને શાન પણ હું ભૂલી ગયો.

તમન્ના છે તમને દિલમાં વસાવવાની,

તમારા સાંનિધ્ય માટે હું તડપી ગયો,

વરસોથી પ્રેમનો તરસ્યો થયો હતો હું,

તમારૂં મિલન માણવા લહેરાઈ ગયો.

આવો મારા વાલમ, વસો મારા દિલમાં,

તમારા પ્રેમનો દિવાનો હું બની ગયો,

"મુરલી" તમારા પ્રેમમાં થયો છે પાગલ

તમારો મજનુ સદાય હું બની ગયો.