આમ તો હું વિશાળ આકાશ છું

આમ તો હું વિશાળ આકાશ છું, 

આમ તો હું સાવ ખાલીખમ છું.

ભલે ને દિવસે હું ઝેલતો હોઉં સૂરજનાં તાપને, 

પણ સાંજ થતાં જ શીતળતા અનુભવું છું, 

અને પેલા ચંદ્ર તારલાઓથી ભરાઈ જાવું છું, 

આમ તો હું વિશાળ આકાશ છું, 

આમ તો હું સાવ ખાલીખમ છું.

પણ મને કયાં જુએ છે કોઈ અહીં, 

એતો માત્ર જુએ છે ચમકતા ચંદ્ર અને તારલાઓને, 

છતાં લોકો કહેશે કે કેવું ચમકે છે આકાશ, 

આમ તો હું વિશાળ આકાશ છું, 

આમ તો હું સાવ ખાલીખમ છું.