કોણ સમજે ?

નિમિત્ત બન્યા અમે ભગવાનનાં;

મા અને ડૉક્ટર આ ધરતી પર.

નિઃસ્વાર્થ સેવા જેની અપરંપાર;

અમર થયા ધરતી પર મા ને ડૉક્ટર.

કરતા અમે સેવા નિઃસ્વાર્થ ભાવથી;

જન્મથી મરણ સુધી.

મળ્યું અમરત્વ ધરતી પર માને;

પરંતુ.. કોણ સમજે વ્યથા ડૉક્ટરની ?

સેવામાં ન જોયા દિન - રાત;

કરતા દિલથી સેવા મરીઝની;

કરી સમર્પણ જિંદગી મરીઝ નામ.

થઈ જતું જો સારુ મરીઝને;

તો અમને જ સૌ સમજતા ભગવાન.

પણ...... કથળતી હાલત જો મરીઝની;

તો અમે જ કહેવાતા;

નિર્દય, પાપી અને બેદરકાર.

કોણ સમજે વ્યથા ડોક્ટરની ?