પ્રેમના પગરવ

હથેળીમાં મારો ચાંદ તું જ એમ લખ્યું છે,

આ તે કેવું સાવ ખુલ્લે આમ લખ્યું છે;

તારા સમ વાલમ હથેળીમાં મેં આમ લખ્યું છે.

પ્રેમ ખુલ્લે આમ કરીશ તને એમ લખ્યું છે,

ને પાછો પ્રેમનો અંજામ પણ લખ્યું છે;

તારા સમ વાલમ હથેળીમાં મેં આમ લખ્યું છે.

પ્રીતની રીતને અપનાવીશ એમ લખ્યું છે,

ને ભૂલી જાઉં તો તું કરે માફ એમ લખ્યું છે;

તારા સમ વાલમ હથેળીમાં મેં આમ લખ્યું છે.

સાત ફેરા નથી ફરવા તારી સાથે એમ લખ્યું છે,

સાથ જન્મો જન્મનો જોઈએ એમ લખ્યું છે; 

તારા સમ વાલમ હથેળીમાં મેં આમ લખ્યું છે.

પ્રેમના પગરવ નામે હજુ તો શીર્ષક લખ્યું છે,

ને અંતે અધૂરી રહી ગયેલી પ્રેમની કહાની લખી છે;

તારા સમ વાલમ હથેળીમાં મેં આમ લખ્યું છે.