પ્રેમઆંગણ ચોકમાં

મારા પ્રેમઆંગણના ચોકમાં,

આવ્યો શશી ભમવા રૂડો રે,

હૈયાના મેદાનમાં રમવા પૂરો રે,

મારાં પ્રેમઆંગણના ચોકમાં,

આવ્યો શશી ભમવા રૂડો રે !

એના આંખ પલકારા ઝળહળ રે,

ચાંદની તેજ ઝગારાં ઝમઝમ રે,

આંગણે ઝગ્યાં દીપ સૌ ટમટમ રે,

મારાં પ્રેમઆંગણના ચોકમાં,

આવ્યો શશી ભમવા રૂડો રે !

પ્રીતમ સંગ રમવા રાસ ભેળાં,

દાંડિયા સાથ ગીત પ્રેમનાં લેતાં,

પગની પાનીએ રસ્તા હરખાતાં,

મારાં  પ્રેમઆંગણના ચોકમાં,

આવ્યો શશી  ભમવા રૂડો રે !

બ્રહ્માંડે એનાં ગાજે નાદ ભરી,

એકમેક હૈયાં નાચે રાસ રમી,

પોંખતા પ્રીતના વાદે રાત નવી,

મારાં પ્રેમઆંગણના ચોકમાં,

આવ્યો શશી ભમવા રૂડો રે !