પ્રેમ કે વ્હેમ

હું જીવ્યો નથી કે મર્યો નથી ત્યારથી,

બેવફાઈના આરોપ સનમ લગાવો છો,

પ્રેમ આપણે બંનેએ સરખો કર્યો હતો

તો શીદને મારી જ કિંમત કમ લગાવો છો ?

આ જનમ સાથ નિભાવી શકો તો ઘણું,

કાં વચનમાં મફત સાત જનમ લગાવો છો ?

છો આપની ઈચ્છા નથી, જૂઠ કાં બોલો છો ?

જુદા થવાને, મધ્યે શાને ધરમ લગાવો છો?

પહેલા તો મળતા હતા નિઃસંકોચ ગમે ત્યાં,

તો હવે જગની શાને શરમ લગાવો છો ?

હું પરજન કહું કે સ્વજન કહું તમને ?

દર્દ આપીને પછી મરહમ લગાવો છો.