પ્રેમ એટલે

શું હું શબ્દોથી તને કહું કે મને પ્રેમ છે, તો

એ પ્રેમ છે ?

જે ઉર્મિઓને મઢવા શબ્દ- શૃંગાર ઓછો પડે,

એ પ્રેમ છે..

દૂર રહીને પણ પાસે હોવાનો અહેસાસ ધબક્યા કરે,

એ પ્રેમ છે..

ખુદનાં અશ્રુ ખાળી, બીજાનું સ્મિત ઉજવી શકે,

એ પ્રેમ છે..

અપેક્ષાની છાશને વલોવ્યા પછી જે ગોરસ વધે,

એ પ્રેમ છે..

મારું-તારું નથી, અસ્તિત્વ સાથનું- એ સમજ આવી ચડે,

એ પ્રેમ છે..

આવે કદી ઓટ ઉર્મિઓ મહીં, ભરોસા કેરી પૂનમ ભરતી કરે,

એ પ્રેમ છે..