પિયરનું લહુ

પહેલાં તો હુંં દીકરી હતી પછી બની છું વહું,

પણ હવે પિયર ભૂલી જજો એવું કે'તાં સહું,

ભૂલાય કેમ ? એ માયા, મમતાને ઘર આંગણ,

જન્મ લીધો દીકરીનો નથી દીકરો મનમાં કહું,

એ બાજુ રે'શે જીવ, મા બાપ પર બળશે જીવ,

મારી નસનસમાં આજે પણ છે પિયરનું લહુ,

ભણતર છોડું માટીમાં ભળી નવુંં ચણતર કરું,

સાસરીના સંબંધો દૂધને હું મિસરીની જેમ રહું,

એક દીકરી જાય અને દીકરી આવે પારકું કેવુંં ?

ના માને તો વહુને માને તો હું દીકરીની હૂબહૂ.