પિતા

પિતા બનતાં સદા, મારા સુપરમેન,

પિતા ગમતાં સદા, મારા સુપરમેન,

કરી જાણે બધુંયે પળ મહીં જે,

પિતા ખમતાં સદા, મારા સુપરમેન,

ન અઘરું લાગતું એને કશુંયે 

પિતા ઘડતાં સદા, મારા સુપરમેન,

કરે મહેનત જુએ દિન-રાત ના એ,

પિતા લડતાં સદા, મારા સુપરમેન,

એ થાકી જાય, ના કો' રેખ મુખ પર,

પિતા વદતાં સદા, મારા સુપરમેન,

ન ઋણ ફેડી શકું ના ચર્મથી કો',

પિતા વળતાં સદા, મારા સુપરમેન,

ન ચિંતા કો' સતાવે છત્રછાયે,

પિતા મળતાં સદા, મારા સુપરમેન.