ફૂલની ફોરમ

ફૂલ તો પોતાની ફોરમમાં મશગૂલ,

પરવા ક્યાં કરી મળે ધૂળ કે શૂલ ?

રંગરૂપ તો કુદરતે ભારોભાર દીધાં,

ખેવના ક્યાં રાખી મૂલવે કોઈ મૂલ ?

ફૂલ તો પોતાની ફોરમમાં મશગૂલ..

છીએ અમે કુદરતનું નવલું નજરાણું,

છોને પછી જગ વેચે ભાવ કંદમૂલ ?

ફૂલ તો પોતાની ફોરમમાં મશગૂલ......

અર્પે કોઈ દેવને કોઈ ચડાવે અરથી પર,

ક્યાં તોય ફૂલ અંતર મચાવે શોરગૂલ ?

ફૂલ તો પોતાની ફોરમમાં મશગૂલ.....

કોઈ ખિસ્સે રાખે, કોઈ સૂંઘી ફેંકે તોય

કાન્તાસુત ફૂલો તો સઘળું કરે કબૂલ !

ફૂલ તો પોતાની ફોરમમાં મશગૂલ,

પરવા ક્યાં કરી મળે ધૂળ કે શૂલ !