ફરવા ચાલ્યાં મોબાઇલ લઈ

કીડીબેન ને હાથીભાઈ ચાલ્યાં

ફરવા સાથે મોબાઈલ લઈ

હાથમાં મોબાઈલ સ્ટીકને

સેલ્ફી એતો પાડતાં ભઈ,

જંગલમાં આમતેમ દોડતાં

વડલા ડાળે લેતા ફોટા

ફૂલડાઓની સાથે લીધી સેલ્ફી

પતંગિયા ત્યારે ત્યાં નો'તા

હાથીભાઈ ને કીડીબેને પેટભરી

જંગલમાં શેરડીને સાકર ખાઈ

કીડીબેન ને હાથીભાઈ ચાલ્યા

ફરવાં સાથે મોબાઈલ લઈ,

નદી તળાવે જઈને નાહ્યા

સાથે કરી ભાઈ પિકનિક,

આખા જંગલમાં મસ્ત બની ફરતા

નથી વાઘ, સિંહની ભાઈ બીક,

કીડીબેને ને હાથીભાઈએ લીધી

બહું સેલ્ફીને બેટરી લો થઈ,

કીડીબેન ને હાથીભાઈ ચાલ્યા

ફરવાં સાથે મોબાઈલ લઈ.