ફરિયાદો તો તને ઘણી છે
ફરિયાદો તો તને ઘણી છે
ફરિયાદો તો તને ઘણી છે આજકાલ એ પ્રભુ,
કૃષ્ણ યોગેશ્વરથી કે, તને કેમ એ સાંભળતો નથી !
જો કે, જવાબો આગોતરા જ આપ્યા છે,
ગીતા થકી પ્રભુએ, તું છે જ એવો, વાંચતો નથી !
દોડ્યા જ કરે છે સુવર્ણમૃગની ઘેલછામાં,
અહીં આમ તેમ પણ, નિજ અંતરે ખોળતો નથી !
કદી બંધ આંખે જરા ડૂબકી લગાવી તો જો,
નિજ આત્મ સાગરમાં, ત્યાં જ છે એ દૂર વસતો નથી !
મથ્યો છે ઘણું આ જગે તું એ વહાલ પામવા,
સ્વાર્થ કેરી વિસાતે, પ્રભુ પ્રેમ સદાનો દિસતો નથી !
લખાણો ઘણાં લખ્યાં છે નિજ કર્મના કિતાબે ને,
એવી છટા ના, તું હરિ નામને હજુ ય કંડારતો નથી !
સાંપડે વ્યથા ત્યારે જ કરતો યાદ અહર્નિશ પ્રભુને,
આમ તો વિસાર્યા છે, માયાના પડળે સંભારતો નથી !
જરા કર યત્ન મનથી હવે પ્રભુ ઇષ્ટ ને ધરવા જ,
તવ અંતરે, મુરલીધર તો તને કદી વિસારતો નથી !
ફરિયાદો તો તને ઘણી છે આજકાલ એ પ્રભુ,
કૃષ્ણ યોગેશ્વરથી કે, તને કેમ એ સાંભળતો નથી !