ફરિયાદ

ચાંદની રાતે તારો ચહેરો નિરખીને,

તારા મોહમાં પડી જવાય છે,

ચહેરો જોવાની ટેવ પાડી છે તે મુજને, 

એ જ મારી તુજને ફરિયાદ છે,

રોજ સપનામાં આવી નખરાં કરીને, 

મુજને ખૂબ તું નિંદ્રામાં સતાવે છે, 

નિંદ્રામાં પાછળ દોડાવે છે તું મુજને,

એ જ મારી તુજને ફરિયાદ છે,

મારી નજર સાથે તારી નજર મેળવીને, 

નજરોના જામ તું છલકાવે છે

નજરથી ઘાયલ બનાવે છે તું મુજને,

એ જ મારી તુજને ફરિયાદ છે,

તારા નિખરતાં યૌવનથી લલચાવીને, 

હંમેશા મદહોશીમાં તું ડૂબાડે છે,

ભાન-શાન પણ તું ભૂલાવે છે મુજને,

એ જ મારી તુજને ફરિયાદ છે, 

તારા મિલન માટે હરપળ તડપાવીને, 

તારા પ્રેમનો તરસ્યો તું બનાવે છે,

દિલમાં તું કેમ સમાતી નથી "મુરલી",

એ જ મારી તુજને ફરિયાદ છે,