ફરી મુલાકાત ન થઇ

આજે પણ તેની ખાટી મીઠી 

વાત મને હસાવે છે.

એના ગુસ્સાનાં જવાબમાં 

મારો હસતો ચહેરો આજે પણ યાદ છે.

કાલે મળવાનું કહીને ગયેલી 

ફરી એની સાથે "મુલાકાત" જ ન થઈ.

સમય તો વહેતો રહ્યો

પણ આજે પણ હું એની રાહ જોઉં છું.

મારા હાથનાં આ ફુલ પણ 

નિરાશાથી કરમાવા લાગ્યા છે.

એના પત્ર એ તો મારી સાથે 

વાત કરાવાનું જ છોડી દીધું છે.

એ તો કયાં રસ્તે નીકળી ગઇ છે ?

તે તો મને નથી ખબર પણ એની મંઝિલ હું નથી.

ભલે એની મંઝિલ આજે હું નથી

પણ એનાં રસ્તામાં મારી જ યાદ હશે

કોઇ એને મળે તો કહેજો

હું એની મુલાકાત માટે આજે પણ અહીં જ છું.

ફરી " મુલાકાત " થશે કે નહીં ?

પણ હું એની પ્રતીક્ષા જરૂર કરીશ.