ફાગણનો મલકાટ
ફાગણનો મલકાટ
ફાગણ વ્હેંચે ફોરમ ડાળડાળ
કેવા મહેકે વસંતના રે વ્હાલ,
હોઠ મલકે ને નયનો નખરાળ
મન મેળામાં મલક્યો મલકાટ
છે ખોળો કુદરતનો ફાગી ખુશહાલ
આ છે મિલન મસ્તીના વાસંતી વ્હાલ,
કેસૂડો વધાવે હરખ વન વાટ
અંગઅંગ મલકે રતુંબલ ઉપહાર
નથી હોળી છે દિલડાના રાગ
ફૂલડે વધાવીએ પૂનમી આ ફાગ,
ફાગણ તારા વાયરાના મીઠા સરપાવ
રણકે ભીંનાં સંગીત નવોઢાને ગાલ
પાવો ઢોલ ને હસ્તે ગુલાલી રૂમાલ
આવો રમીએ થઈ રાધાના કા'ન.